Ég er mjög hrifin af kókoslykt og fór fyrir nokkrum árum að nota kókosolíuvörur bæði á húð og hár. En í seinni tíð þá hef ég bara notað olíuna eins hreina og hráa og ég finn hana. Það er hægt að kaupa lífræna kókosolíu í krukku í öllum heilsubúðum (og jafnvel í bónus) en þetta er örugglega ein ódýrasta og öflugasta húð- og hárvara sem þú getur fengið.
Hér er hægt að lesa allt um kókosolíu og hvað hún er holl og græðandi. Hún læknar marga kvilla og hana má bera á exem, psoriasis, í hársvörðinn til að losna við flösu o.sv.fr.v.
Hér er listi yfir ýmislegt sem er með góðu móti hægt að gera til að spara orku, aura og vera jafnframt góður við jörðina okkar. Það er eflaust margt fleira sem má vera á þessum lista svo endilega verið þið með í gera okkur grænni og sendið okkur fleiri atriði :o)
Nú er hægt að skrifa sig á lista fyrir grænmetisgarð hjá Reykjavíkurborg og eflaust þá líka hjá öðrum sveitafélögum, svo nú er lag að skrá sig. Það eru 100 fm garðar í Skammadal og 18 fm blettir hér og þar um borgina. Blómaval er með ókeypis námskeið næstu fimmtudaga um ýmislegt sem varðar ræktun og ég hvet fólk til að láta verða af því að rækta sitt eigið grænmeti. Ég hef haft áhuga í mörg ár og finnst mjög gaman að prófa mig áfram. Það verður enginn meistari strax, best að byrja á einhverju auðveldu og gera svo tilraunir með viðkvæmari tegundir.
Það er sitthvað sem konur (og stöku menn) hafa gert í gegnum tíðina til að halda hárinu glansandi og fallegu. Eitt af þessu er að nota egg til að styrkja það og gefa því góða innspýtingu af próteinum. Snilldar ráð og vissulega eitthvað sem kemur sér vel fyrir budduna.
