Í nýlegri mælingu sem ég var í hjá Matthildi Þorláksdóttur náttúrulækni kom í ljós að í líkama mínum er töluvert magn af þungmálmum. Þeir mældust ekki í þessu magni s.l. haust, svo ég er að velta fyrir mér hvort ferðalög mín um mjög menguð svæði heimsins í október og nóvember væru ástæðan fyrir breytingunni. En til að kanna málið nánar leitaði ég upplýsinga á vefnum um þungmálma og áhrif þeirra.

Þungmálmar í líkamanum geta verið efni eins og merkúr, amalgam sem lengi var notað í tannfyllingar , skordýraeitur , aluminium, teflon og agnir út tilbúnum efnum sem eru krabbameinsvaldandi og geta haft truflandi áhrif á taugakerfi líkamans.  Hér á eftir fylgir stuttur listi yfir HLUTA af þeim sjúkdómum sem rekja má til slíkra eiturefna.

Alzheimers sjúkdómur                                  Liðagigt eða liðbólga
Einhverfa                                                      Bronkítis
Krabbamein af ýmsum toga                         Ofnæmi fyrir ýmsum efnum
Kólesteról ójafnvægi                                    Síþreyta
Elliglöp                                                         Fjölvöðvagigt
Kvef, sem kemur aftur og aftur                    Mígreni
MS sjúkdómur                                               Ýmis brenglun í taugakerfi líkamans
Beinþynning                                                  Parkinson‘s
Lungnabólga

Þessi eiturefni komast eftir ýmsum leiðum inn í líkamann meðal annars í gegnum lyf, hvort sem þau eru lyfseðilsskyld eða ekki. Eiturefnin hafa tilhneigingu til að auka umfang sitt og þegar þau fara að skemma frumurnar, fara þær oft að fjölga sér og mynda þá krabbamein.

FÆÐA ER FARVEGUR

Öll fæða sem úðuð er með eiturefnum, hvort sem þau eru gegn skordýrum eða illgresi, eða ræktuð með tilbúnum áburði – skapar farveg fyrir eiturefnin til að komast inn í líkama okkar.

SKORDÝRAEITRI OG ILLGRESISEYÐI ER ÆTLAÐ AÐ
DREPA LIFANDI LÍFVERUR.
VIÐ, SEM FÓLK, ERUM LIFANDI LÍFVERUR.

Frá árinu 1991 til ársins 1999 jókst notkun á skordýraeitri í Bandaríkjunum um 120%, en notkun á eiturefnum við ræktun matvæla er oft studd af ríkisstjórnum viðkomandi landa, sem vilja auka framleiðslu matvæla og tekjur af þeim fyrir landsafkomu. Því er það svo að nema því einungis að maður neyti bara lífrænna ávaxta og grænmetis, þá er maður stöðugt að gleypa í sig skordýraeitur og illgresiseyði. Því er grænn lífsstíll svo mikilvægur, ekki bara umhverfinu, heldur líka heilsu okkar.

Algengasta afleiðing neyslu á “eitruðum” mat, eða eitri sem sest að í líkamanum í gegnum neyslu á matvörum sem hafa verið úðaðar með eitri, er krabbamein, en einnig getur neyslan leitt til aukinnar eituruppsöfnunar í heila og taugakerfi.

Kveðja Guðrún
Heimildir: www.I-AMperfectlyhealthy.com

Þessum greinarskrifum er ekki ætlað að koma í stað læknisfræðilegrar ráðgjafar eða meðferðar. Leitaðu til læknis eða náttúrulæknis ef þú telur þig þurfa á því að halda. Upplýsingum á þessari síðu er einungis dreift til fróðleiks – og til að skýra frá reynslu annarra.