“Sérhver endir er upphaf að einhverju nýju.”
| Bókin er komin út |
 Á Degi Jarðar þann 22. apríl kemur út hjá Sölku Forlagi bókin KONUR GETA BREYTT HEIMINUM MEÐ NÝJUM LÍFSSTÍL eftir Guðrúnu G. Bergmann. Í þessari aðgengilegu og fallegu bók fjallar Guðrún um þau gífurlegu áhrif sem konur geta haft á umhverfið og samfélagið, með því að beina innkaupum sínum og lífsmáta inn á grænni brautir. Hún hvetur konur til að sýna samstöðu og efla góð gildi því þeim fær fátt grandað! Guðrún er frumkvöðull í umhverfisvænni ferðaþjónustu á Íslandi en auk þess að hafa skrifað hinar ýmsu greinar um umhverfismál liggja eftir hana fjölmargar bækur um sjálfsrækt og heilsutengt efni. Hún mun gefa 10% af höfundarlaunum sínum til Umhverfissjóðs Snæfellsness. Nú þegar er unnið að því að koma bókinni á framfæri í Bandaríkjunum og á Norðurlöndunum og verður spennandi að fylgjast með framgangi þess máls. Úr fréttatilkynningu frá Sölku Forlagi. |
