Vísindamenn við Emory háskólann í Bandaríkjunum greindu frá nýlegum rannsóknum sínum í marshefti tímaritsins Archives of Neurology, þar sem þeir fundu fylgni milli skorts á D-vítamíni og fyrstu stiga Parkinson's veiki.

Höfundur greinarinnar Marian L. Evatt, MD, MS frá Emory læknaháskólanum og Læknamiðstöð fyrrum hermanna í Atlanta og félagar hennar halda því fram að: „Vítamínskortur var algengari í sjúklingum með Parkinson's veiki, en í heilbrigðum einstaklingum sem einnig tóku þátt í rannsókninni. Ekki er ljóst hvort það að vera með krónískan sjúkdóm sem dregur úr hreyfigetu valdi þessari frekar háu tíðni.

 Í rannsókninni tóku þátt 157 einstaklingar, bæði karlar og konur, með ómeðhöndlaða Parkinson's veiki á frumstigi. Blóðsýni voru tekin bæði við upphaf rannsóknar og eins við lok hennar 13 mánuðum síðar þar sem leitað var eftir magni 25-hydroxyvítamíni D, sem er virki þáttur vítamínsins.

Hátt hlutfall þátttakenda skorti D-vítamín og sumir voru jafnvel með alvarlega skort á því, bæði við upphaf og endi rannsóknarinnar. 69,4% þátttakenda voru ekki með nægilegt magn sem skilgreint er sem minna en 30 nanogrömm per millilíter (ng/mL) við upphaf rannsóknarinnar og 26,1% voru skilgreind með alvarlegan skort á D-vítamíni þar sem  þeir voru undir 20 ng/mL. Í lok rannsóknarinnar voru 51,6% þátttakenda ekki með nægilegt magn af D-vítamíni og 7% enn undir skortsmörkum.

Rannsóknir sem hafa verið unnar á Asíubúum hafa leitt í ljós skort á D-vítamíni hjá sjúklingum sem eru lengra gengnir með sjúkdóminn, sem gæti gefið til kynna að langtímaáhrif Parkinson's veikinnar sé að það eyði vítamíninu upp.  

„Eftir því sem við best vitum þá er þetta stærsta og besta úrtak sjúklinga með Parkinson's veiki sem rannsakað hefur verið með tilliti til D-vítamínskorts," segja þeir sem rannsókninni stýrðu. „Hún staðfestir að það er algengt að skortur sé á D-vítamíni hjá sjúklingum sem nýlega hafa fengið Parkinson's veikina, einmitt á þeim tíma þar sem ekki er farið að meðhöndla einkenni hennar."

Heimildir: http://www.lef.org/newsletter/2011/0318_Vitamin-D-Insufficiency-Could-Play-Role-Parkinsons-Disease.htm?source=eNewsLetter2011Wk11-2&key=Article&l=0#article og http://archneur.ama-assn.org/

Margir á vesturströnd Bandaríkjanna hafa nú áhyggjur af hugsanlegri hættu á geislavirku ryki sem kann að berast frá Japan. Ákveðin hjarðhegðun hefur gripið um sig og birgðir af joðtöflum hafa selst upp í apótekum og heilsuvörubúðum. Þótt hollt og heilsusamlegt mataræði sé undirstaða góðrar heilsu, svo og góð blanda af bætiefnum, þá hafa læknar í Bandaríkjunum bent á að nægilegt magn af joði skipti miklu máli til að ónæmiskerfi líkamans sé öflugt.

Joðið binst við sérstaka móttaka um allan líkamann, meðal annars móttaka við skjaldkirtilinn. Þegar joð binst við þá framleiðum við skjaldkirtilshormón. Þeir einstaklingar sem skorta joð verða yfirleitt fyrir mestum heilsufarsskaða ef þeir verða fyrir mengun frá geislavirku joði. Hjá þeim, bindur hið geislavirka joð sig við hvaða móttaka fyrir joð

Atburðirnir undanfarna daga í Japan hafa leitt hugann að því um hvað umhverfisvernd snýst í raun og veru. Kannski snýst hún ekki um að vernda jörðin, nema þá til að við getum notið hennar í sínu náttúrulegasta formi. Jörðin virðist fullkomlega fær um að vernda sig sjálf. Þar sem hamfarirnar gengu yfir og flóðbylgjan skall á land í Japan er jörðin enn til staðar. Fólkið er hins vegar horfið.

Kannski snýst umhverfisvernd líka um að vernda jörðina gagnvart þeim efnum sem mannkynið hefur lært að framleiða eins og til dæmis kjarnorku. Mennirnir telja sig hafa beislað hana, en þegar jörðin skekur sig, missa þeir taumhald á henni og hún eitrar andrúmsloftið í nánasta umhverfi sínu með geislavirkum efnum sem skaða ekki bara jörðina, heldur einnig okkur mannfólkið. Og við vitum ekki ennþá hversu stórt nánasta umhverfi er í þessu tilviki.

Mannkynið hefur líka verið duglegt við að framleiða alls konar eiturefni

Fyrir mörgum áður síðan gekk ég til liðs við japönsk friðarsamtök sem biðja fyrir friði í heiminum með sinni einföldu bæn: Megi friður ríkja á jörð! Í gegnum tíðina hef ég staðið fyrir mörgum slíkum bænastundum, einkum meðan ég bjó á Hellnum á Snæfellsnesi. Á Íslandi er líka að finna nokkra friðarstólpa sem tengjast þessum samtökum og eru með þessari einföldu bæn.

Nú þurfa bæði íbúar Japan og landið þeirra á því að halda að beðið sér fyrir þeim. Þessi japönsku friðarsamtökin sem ég er aðili að og kallast May Peace Prevail on Earth standa fyrir bænastund sem fram fer í gegnum símafund. Hún verður 16. mars, en þá er kominn 17.mars hjá okkur og klukkan verður kl. 01:00 eftir miðnætti.

Þeir sem hafa áhuga á að tengja sig við þennan símafund geta fundið nánari upplýsingar um hann á http://www.worldpeace.org/activities_teleconference.php. Stefnt er að því að fólk um allan heim geti sameinað hjörtu sín í bæn og beðið fyrir því að Japan og móður jörð nái að heila sig og öðlast jafnvægi á ný.

Þeir sem ekki hafa aðstöðu til að tengjast þessum símafundi geta að sjálfsögðu stutt þetta átak með því að biðja bænina stuttu en áhrifamiklu: Megi friður ríkja í Japan! Megi friður ríkja á jörð!, hvenær sem er sólarhringsins.

Fyrir mörgum árum síðan var ég í vinkvennahópi sem hittist reglulega. Ein úr hópnum, sem var nuddari og alltaf að meðhöndla fólk, var vön að spyrja þegar við hittumst: „Stelpur, hvernig eru hægðirnar hjá ykkur?" Við hinar hlógum og kölluðum hana „þarmologist" hópsins, en sennilega var hún að spyrja einnar mikilvægustu spurningar kvöldsins, því ef hægðirnar eru ekki í lagi, þá erum við að safna upp úrgangi í smáþörmum og ristli, sem síðan geta leitt til alvarlegra sjúkdóma.

Þeir sem þjást af Candida sveppasýkingu eða eru að fást við önnur meltingarvandamál ættu því að beina sjónum sínum að þessum líffærum og huga að heilsu þeirra. Það má gera með ýmsum hætti eins og til dæmis að taka inn 2 matskeiðar af extra virgin ólífuolíu á dag, en olían hjálpar til við að brjóta niður óhreinindi í ristlinum og losar candida sveppinn frá þarmaveggjunum ef hann er til staðar. Eins er gott að nota trefjaefni eins og psyllium husk, sem bólgnar upp eftir inntöku og dregur í sig óhreinindi úr ristilveggjunum.

Nýlega rakst ég á fæðubótarefni sem heitir Bio-Kult Candéa