Guðrún G. Bergmann skrifar:

Ég fékk þau ánægjulegu tíðindi frá Hildi Hermóðsdóttur eiganda Sölku forlags í gær að bók okkar Hallgríms Magnússonar væri í fyrsta sæti á metsölulista Eymundsson yfir handbækur og í fyrsta sæti á heildarsölulista allra bóka. Mér fannst þetta alveg frábær frétt, einkum og sér í lagi þar sem bókin fjallar um algengt og frekar alvarlegt heilsufarsvandamál. Við gleðjumst mest ef við getum orðið einhverjum að liði og upplýsingarnar eru alla vega komnar á framfæri þegar fólk er búið að eignast bókina - hvort sem það svo fer eftir þeim eða ekki.

Við Hallgrímur erum svo með fyrirlestur um Candida sveppasýkingu í dag 3/2 kl. 17:30 í Maður lifandi.